Abn logo
Jan 21 2021 @ 13:32PM

26వ ఉగాది ఉత్తమ రచనల పోటీ

హ్యూస్టన్: గత 26 సంవత్సరాల సంప్రదాయాన్ని పాటిస్తూ రాబోయే "ప్లవ" నామ సంవత్సర ఉగాది (ఏప్రిల్, 13, 2021) సందర్భంగా వంగూరి ఫౌండేషన్ ఆఫ్ అమెరికా వారు 26వ ఉగాది ఉత్తమ రచనల పోటీ  నిర్వహిస్తున్నారు. భారత దేశం మినహా విదేశాలలో నివసిస్తున్న తెలుగు రచయితలందరినీ ఈ పోటీలో పాల్గొని విజయవంతం చెయ్యాల్సిందిగా వారు కోరుతున్నారు. స్నేహపూర్వకమైన ఈ “పోటీ కాని పోటీలో” రెండు  విభాగాలు ఉన్నాయి.


ప్రధాన విభాగం(26వ సారి నిర్వహణ):

భారత దేశంలో తప్ప ఇతర దేశాలలో ఉన్న తెలుగు రచయితల నుండి నూతన, అముద్రిత రచనలని ఈ పోటీకి ఆహ్వానిస్తున్నట్లు ఫౌండేషన్ వారు పేర్కొన్నారు. దీనిలో రెండు విభాగాలు ఉంటాయి. 1) ఉత్తమ కథానిక: (రెండు సమాన బహుమతులు) ఒక్కొక్కటీ: 116 డాలర్లు(రూ.8,467), 2) ఉత్తమ కవిత: (రెండు సమాన బహుమతులు) ఒక్కొక్కటీ: 116 డాలర్లు(రూ.8,467).


మొట్టమొదటి రచన విభాగం(13వ సారి నిర్వహణ):

కథ, కవితలు రాయాలని కుతూహలం ఉన్నా, చిన్న ప్రయత్నాలు చేసినా, ఏదో ఒక కారణం చేత తమ రచనలను ఎక్కడా ప్రచురించని కొత్త రచయితలను ప్రోత్సహించే ఉద్దేశ్యంతో 13వ సారి ఈ ప్రత్యేకమైన పోటీలు నిర్వహిస్తున్నట్లు ఫౌండేషన్ వారు తెలిపారు. తరాల తారతమ్యం లేకుండా, భారత దేశం మినహా ప్రపంచవ్యాప్తంగా ఉన్న ఔత్సాహిక రచయితలను ఈ "పోటీ"లో పాల్గొనాల్సిందిగా ఆహ్వానించారు. దీనిలో రెండు విభాగాలు ఉంటాయి. 1) నా మొట్టమొదటి కథ: (ఉత్తమ కథ): 116 డాలర్లు(రూ.8,467), 2) నా మొట్టమొదటి కవిత: (ఉత్తమ కవిత): 116 డాలర్లు(రూ.8,467)


అన్ని పోటీలకు ఈ కింది షరతులు వర్తిస్తాయి

· ఒక రచయిత ఒక్కొక్క ప్రక్రియకూ ఒక రచన మాత్రమే పంపించాలి. వీలయినంత వరకూ అన్ని రచనలూ యూనికోడ్ (గౌతమి ఫాంట్స్)లో మాత్రమే పంపించాలి. చేతివ్రాతలో కథలు పదిహేను పేజీల లోపు, కవితలు ఐదు పేజీలు లోపు ఉండాలి. PDF, JPEGలలో పంపించినా ఆమోదమే.

· తమకు నచ్చిన ఇతివృత్తం రచయితలు ఎన్నుకోవచ్చు.

· రచయితల అముద్రిత స్వీయ రచనలు మాత్రమే పరిశీలనకు స్వీకరించబడతాయి. స్వంత బ్లాగులు, స్వంత వెబ్ సైట్స్ మొదలైన వాటిల్లో ప్రచురించుకున్న రచనలు పరిగణింపబడవు. ఈ మేరకు హామీ పత్రం రచనతో బాటు విధిగా జత చేయాలి. "మొట్టమొదటి కథ" మరియు "మొట్టమొదటి కవిత" పోటీలో పాల్గొనే వారు తమ రచనలు మొట్ట మొదటి రచనలు అని హామీ పత్రంలో పేర్కొనాలి.

· బహుమతి పొందిన రచనలు, ప్రచురణార్హమైన ఇతర రచనలు కౌముది.నెట్‌లోనూ, మధురవాణి.కామ్, తదితర పత్రికలలోనూ ఆయా సంపాదకుల వీలుని బట్టి, కేవలం వారి నిర్ణయానుగుణంగా మాత్రమే ప్రచురించబడతాయి.

· విజేతల వివరాలు ఉగాది పండుగ నాడు (ఏప్రిల్ 13, 2021) కాని, అంతకు ముందు కానీ ప్రకటించబడతాయి. కాపీ రైట్స్ తమవే అయినా, ఆ లోపుగా తమ పోటీకి పంపిన రచనలను రచయితలు ఇంకెక్కడా ప్రచురించకూడదు.

· విజేతల ఎంపికలో న్యాయ నిర్ణేతలదీ, ఇతర విషయాలలో నిర్వాహకులదే తుది నిర్ణయం.

· రచనలు ఫౌండేషన్‌కు అందవలసిన ఆఖరి తేదీ: మార్చ్ 20, 2020

· రచనలను (PDF, JPEG or Unicode fonts) ఫార్మాట్లలో మాత్రమే [email protected], [email protected]కు ఈ-మెయిల్ చేయాలి. 

Advertisement
Advertisement
Advertisement