Abn logo
Aug 3 2021 @ 17:40PM

ఇంట్లో చోరీ జరిగిందంటూ కేసు.. పోలీసులు తేల్చిన దొంగ ఎవరో చూసి అవాక్కైన కుటుంబ సభ్యులు

ఇంటర్నెట్ డెస్క్: ఇంట్లో విలువైన వస్తువులు పోవడంతో అతనికి చిర్రెత్తింది. ఇలా చాలాసార్లు జరగడంతో పోలీసులకు ఫిర్యాదు చేశాడు. కేసు నమోదు చేసుకున్న పోలీసులు.. అతని కుటుంబంలోనే ఎవరో దొంగతనానికి సాయం చేశారని అనుమానించారు. చాలా గట్టిగా దర్యాప్తు చేశారు. ఆ సమయంలో దొరికి వేలిముద్రలతో కేసు పెట్టిన వ్యక్తి భార్యే ఈ దొంగతనం చేసినట్లు గుర్తించారు. అంతేకాదు, ఆమెకు ఈ చోరీలో సొంత అత్తగారు, అంటే కేసు పెట్టిన వ్యక్తి తల్లే సాయం చేసినట్లు తేలడంతో అందరూ షాకైపోయారు. ఈ ఘటన గుజరాత్‌లోని వత్వా ప్రాంతంలో వెలుగు చూసింది.

ఇంట్లో పెట్టిన ఐఫోన్ పోవడంతో ఒక వ్యక్తి.. భార్య రిధ్దిపై అరిచాడు. ఇంట్లో పెట్టిన ఫోన్ ఎలా పోతుందని గొడవపడ్డాడు. ఈ విషయంలో భార్యాభర్తల మధ్య పెద్ద వాగ్వాదం జరిగింది. ఎంతకీ సమాధానం రాకపోవడంతో అతను పోలీసు కేసు పెట్టాడు. అనుమానం వచ్చిన పోలీసులు గట్టిగా దర్యాప్తు చేస్తే షాకింగ్ నిజం బయటపడింది. ఈ దొంగతనం అతని భార్యే చేసింది. ఆమెకు వేరే యువకుడితో ఎఫైర్ ఉంది. అతనికి గిఫ్ట్‌గా ఇవ్వడం కోసమే ఐఫోన్ దొంగిలించింది. ఇప్పటి వరకూ సుమారు రూ.8లక్షల విలువైన వస్తువులు దొంగతనం చేసి ప్రియుడికి చేరవేసిందా ఘనురాలు. ఆమెకు ఈ దొంగతనాల్లో అత్తగారు రోహిణి సహకరించిందని తెలిసి కుటుంబం మొత్తం షాకైపోయారు. వీరిద్దరినీ అదుపులోకి తీసుకున్న పోలీసులు.. రిద్ధి ప్రియుడికి కూడా ఈ దొంగతనాల్లో హస్తం ఉందేమో తెలుసుకునేందుకు అతన్ని కూడా విచారిస్తున్నారు.

ప్రత్యేకంమరిన్ని...