Abn logo
Sep 17 2021 @ 22:14PM

స్ట్రాంగ్‌రూంలు, కౌంటింగ్‌ కేంద్రాల పరిశీలన

సిబ్బందికి సూచనలిస్తున్న అదనపు ఎస్పీ వీరభద్రుడు

ఉదయగిరి రూరల్‌, సెప్టెంబరు 17: స్థానిక మేకపాటి రాజమోహన్‌రెడ్డి ప్రభుత్వ డిగ్రీ కళాశాలలో ఏర్పాటు చేసిన స్ట్రాంగ్‌రూంలు, కౌంటింగ్‌ కేంద్రాలను ఏఆర్‌ అదనపు ఎస్పీ వీరభద్రుడు శుక్రవారం పరిశీలించారు. ఈ సందర్భంగా ఆయన మాట్లాడుతూ ఆదివారం నిర్వహించే కౌంటింగ్‌ ప్రక్రియకు అన్ని ఏర్పాట్లు సిద్ధం చేస్తున్నామన్నారు. ఎలాంటి అవాంఛనీయ సంఘటనలు చోటుచేసుకోకుండా ప్రశాంతంగా కౌంటింగ్‌ జరిగేలా అన్ని చర్యలు చేపట్టాలని సిబ్బందికి సూచించారు. ప్రతి ఒక్కరూ కొవిడ్‌ నిబంధనలు పాటించాలన్నారు. కౌంటింగ్‌ హాల్‌లోకి ఇంకు పెన్నులు, రంగురంగుల చేతి రుమాళ్లు తదితర వస్తువులకు అనుమతి లేదన్నారు. ఈ కార్యక్రమంలో సీఐ గిరిబాబు, ఎస్‌ఐలు కిశోర్‌, లతీపున్నీసా, సిబ్బంది తదితరులు పాల్గొన్నారు.