Abn logo
Sep 15 2021 @ 04:36AM

కంపెనీకి రాజీనామా.. కార్డులతో జల్సా!

20 రోజుల్లో 360 లావాదేవీలు..14 చెక్కులతో డబ్బులు విత్‌డ్రా

‘అమెరికన్‌ ఎక్స్‌ప్రెస్‌ బ్యాంకింగ్‌’కు రూ.7.35 కోట్ల బురిడీ

నిందితుడు మోహన్‌ కోటిలింగం అరెస్టు


హైదరాబాద్‌ సిటీ, సెప్టెంబరు 14 (ఆంధ్రజ్యోతి): కంపెనీలో పదేళ్లపాటు పని చేశాడు.. అనంతరం రా జీనామా చేశాడు. తర్వాత కంపెనీ క్రెడిట్‌ కార్డు, త ప్పుడు పత్రాలను ఉపయోగించి కేవలం 20 రోజుల్లోనే రూ.7.35 కోట్లు కాజేశాడు!  గుంటూరు జిల్లాకు చెందిన మోహన్‌ కోటిలింగం ఉద్దండ (39) ఇన్వెస్కో కంపెనీలో అసిస్టెంట్‌ మేనేజర్‌గా చేరాడు. అమెరికన్‌ ఎక్స్‌ప్రెస్‌ బ్యాంకింగ్‌ కార్పొరేషన్‌తో, ఇన్వెస్కో ఇండియా కంపెనీ అకౌంట్‌ అగ్రిమెంట్‌ కుదుర్చుకుని, వారి కంపెనీ ప్రతినిధులకు అమెరికన్‌ఎక్స్‌ప్రెస్‌ కార్పొరేట్‌ కార్డులు జారీ చేయడంతో పాటు అవసరమైనప్పుడు డబ్బులు ఇవ్వాలని కోరింది. 2011 మార్చి 3న ఉద్దండకు కార్డు జారీ అయింది. ఉద్దండ ఈ ఏడాది జనవరి 22న రాజీనామా చేసి ఫిబ్రవరి 1న పని మానేశాడు. అకౌంట్‌ అగ్రిమెంట్‌ ప్రకారం పని మానేసిన వ్యక్తి లావాదేవీలు, కార్డును నిలిపివేయాలంటూ సమాచారం ఇవ్వాలి. ఫిబ్రవరి 25న  ఇన్వె స్కో అమెరికన్‌ ఎక్స్‌ప్రెస్‌కు సమాచారం ఇచ్చింది.  రంగంలోకి దిగిన బ్యాంకు అధికారులు ఆ కార్డుపై జరిగిన లావాదేవీలను చూసి నోరెళ్లబెట్టారు. ఉద్దండ ఫిబ్రవరి 5 నుంచి 25 వరకు కార్డును వినియోగించి 360లావాదేవీలు, కార్పొరేట్‌ కార్డు పేరిట జారీ అయి న 14 చెక్కులను వినియోగించి రూ.7.35 కోట్లు కాజేశాడు. అమెరికన్‌ ఎక్స్‌ప్రెస్‌ బ్యాంకింగ్‌ కార్పొరేషన్‌ మేనేజర్‌ మార్చి 13న సీసీఎ్‌సలో ఫిర్యాదు చేయగా.. నిందితునిపై కేసు నమోదు చేసిన పోలీసులు ద ర్యాప్తు ప్రారంభించారు. నిందితుడ్ని విచారించగా రాజీనామా చేసిన తర్వాత ల్యాప్‌టాప్‌, ఐడీ కార్డు తి రిగి ఇచ్చినప్పటికీ కార్పొరేట్‌ కార్డు ఇవ్వలేదని చెప్పా డు. అతనికి సంబంధించిన వ్యక్తులు అతని కార్డు ఆధారిత 14చెక్కులను కోల్‌కతాలోని వివిధ బ్యాంకు ల్లో జమచేసి రూ.7 కోట్లకు పైగా డబ్బులు తీసుకున్నారు. మంగళవారం నిందితుడ్ని రిమాండ్‌కు తరలించినట్లు జాయింట్‌ సీపీ వెల్లడించారు.