May 4 2021 @ 12:43PM

‘ఖిలాడి’ తాజా అప్‌డేట్

మాస్‌ మహారాజా రవితేజ హీరోగా రమేశ్‌ వర్మ పెన్మత్స దర్శకత్వంలో రూపొందుతోన్న చిత్రం 'ఖిలాడి'. ఇందులో రవితేజ డ్యూయల్ రోల్ చేస్తున్నాడు. హవీష్‌ ప్రొడక్షన్‌, పెన్‌ స్టూడియోస్‌ జయంతి లాల్‌ గడ సమర్పణలో సత్యనారాయణ కోనేరు ఈ చిత్రాన్ని నిర్మిస్తున్నారు. మే 28న ఈ చిత్రాన్ని విడుదల చేస్తామని చిత్ర యూనిట్‌ ప్రకటించింది. కానీ కొవిడ్‌ సెకండ్‌ వేవ్‌ కారణంగా అన్ని సినిమాలు వాయిదా పడినట్లే.. ఈ సినిమా విడుదల కూడా వాయిదా పడనుందని తెలుస్తోంది. 


దర్శకుడు రమేశ్‌ వర్మ కరోనా బారినపడటంతో షూటింగ్‌కి బ్రేక్ పడిన విషయం తెలిసిందే. దీంతో ఇప్పటి పరిస్థితులు కాస్త చక్కబడ్డ తర్వాత షూటింగ్ మొదలు పెట్టాలని హీరో రవితేజ, దర్శక నిర్మాతలు భావిస్తున్నారట. ఈ కారణంగా సినిమాను అనుకున్న సమయంలో విడుదల చేసే అవకాశాలు కనిపించడం లేదు. పరిస్థితులన్నీ చక్కబడిన తర్వాత.. బ్యాలెన్స్ షూట్ పూర్తి చేసి.. ఫ్రెష్‌గా రిలీజ్ డేట్ ప్రకటించాలని నిర్మాతలు భావిస్తున్నట్లుగా సమాచారం‌.