Abn logo
May 26 2020 @ 03:23AM

రేసింగ్‌లో కొనసాగాలా?

లాక్‌డౌన్‌లో ఆలోచనలపై హామిల్టన్‌

లండన్‌: కరోనా లాక్‌డౌన్‌ ఆటగాళ్ల మానసిక స్థితిపై ప్రభావం చూపుతోంది. ఆరుసార్లు ఎఫ్‌-1 రేస్‌ ప్రపంచ చాంపియన్‌ లూయిస్‌ హామిల్టన్‌ కూడా దీనికి మినహాయింపేమీ కాదనిపిస్తోంది. లాక్‌డౌన్‌ కారణంగా హామిల్టన్‌ మునుపటి స్ఫూర్తిని పొందలేకపోతున్నాడు. తన భవిష్యత్‌ను తానే ప్రశ్నించుకుంటున్నాడు. ‘నిద్రలేవగానే నిస్సత్తువగా అనిపిస్తోంది. వర్కవుట్లు చేయాలనే ఉత్సాహం రావడం లేదు. ఏం చేయాలి?  రేసింగ్‌లో కొనసాగాలా?’ అని అతడి మెర్సిడెస్‌ టీమ్‌ విడుదల చేసిన వీడియోలో హామిల్టన్‌ ప్రశ్నించాడు. కానీ, కొంత సమమయం తర్వాత ఏంటి ఇలా ఆలోచిస్తున్నానని కూడా అనిపిస్తోందని చెప్పాడు. 

Advertisement
Advertisement
Advertisement