Abn logo
Mar 1 2021 @ 01:07AM

గొర్రె పురాణం

కాలం వల విసిరితే

వెన్నెముక లేని గొర్రెలు

అగ్గువకే అమ్ముడుబోతున్నయ్‌


అందనిదేదో అందుకుంటున్నం

అందరితోటి ముందరుంటన్నం

ఇంకేం కావాలని

గొర్రెలు బొర్రలు విరుస్తున్నయ్‌


గొర్రెనుక గొర్రె

బాయిల పడుతున్నయ్‌

అది చూసిన

చూపుడేలు పెద్దమనిషి

నాలుగు బాటలకాడ

ఒక్కడే బెంగటిల్లుతున్నడు

బతుకనేర్చిన గొర్రెలను చూసి

కుమిలి కుమిలి ఏడుస్తున్నడు

సిగ్గులేని గొర్రెలు

సిల్లర మల్లర గొర్రెలు

నవ్వుకోండ్రి మాకేందని


నడిబజార్ల

రంగు రంగుల

కండువాలు కప్పుకుంటున్నయ్‌

వయ్యారి నాట్యమాడుతున్నయ్‌


గొర్రెది గొర్రె బుద్ధే

అదెప్పుడు అంతే....

కసాయినే కౌగిలించుకుంటది

భూమ్మీద నూకలు చెల్లిపోయేదాకా

గొర్రెది బాయిబొంద పోకడే!!


పసునూరి రవీందర్‌ 

77026 48825


Advertisement
Advertisement
Advertisement