Abn logo
Sep 24 2020 @ 08:24AM

నేను బతికే ఉన్నా! : వీజీపీ రాతి మనిషి

Kaakateeya

చెన్నై : చెన్నై శివారు ప్రముఖ సముద్రతీర పర్యాటక ప్రాంతం వీజీపీ గోల్డెన్‌ బీచ్‌ వద్ద పనిచేసే రాతి మనిషి తాను బ్రతికే ఉన్నానంటూ స్పష్టంచేశారు. ఆ పర్యాటక ప్రాంతం ప్రవేశ ద్వారం వద్ద రాజుల కాలంనాటి భటుడి దుస్తుల్లో చేత దండంతో రాయిలా నిలబడి ఉండే వ్యక్తిని చూడటానికి సందర్శకులు పోటీపడేవారు. చిన్నారులు ఆ రాతి మనిషిని చేతితో తాకటం, ఆయన హఠాత్తుగా వారిని బెదిరించటం జరుగుతుండేది. ఈ నేపథ్యంలో ఆ రాతి మనిషి కరోనా సోకి మృతి చెందినట్లు సామాజిక మాధ్యమాల్లో కథనాలు వెలువడ్డాయి. దీంతో ఆయనే స్వయంగా తాను బతికే ఉన్నానని, కోవిడ్‌ సంక్షోభం ముగిసి గోల్డెన్‌ బీచ్‌ తెరిచాక ప్రజల ముందుకు వస్తానని వీడియో సందేశంలో వెల్లడించారు.

Advertisement
Advertisement
Advertisement