Sep 17 2021 @ 23:27PM

డేగల బాబ్జీగా...

‘డేగల బాబ్జీ’గా బండ్ల గణేశ్‌ ప్రేక్షకుల ముందుకు రానున్నారు. వెంకట్‌ చంద్రను దర్శకుడిగా పరిచయం చేస్తూ... స్వాతి చంద్ర నిర్మిస్తున్న చిత్రంతో ఆయన హీరోగా పరిచయమవుతున్న సంగతి తెలిసిందే. ఆ చిత్రానికి ‘డేగల బాబ్జీ’ టైటిల్‌ ఖరారు చేశారు. శుక్రవారం హరీశ్‌ శంకర్‌ టైటిల్‌ పోస్టర్‌ ఆవిష్కరించారు. ఈ సందర్భంగా దర్శక-నిర్మాతలు మాట్లాడుతూ ‘‘బండ్ల గణేశ్‌గారి ఫస్ట్‌లుక్‌, టైటిల్‌కు అద్భుత స్పందన లభిస్తోంది. అంచనాలు పెంచుతోంది. సినిమా సైతం ప్రేక్షకులను తప్పకుండా ఆకట్టుకుంటుంది. ఈ నెల తొలి వారంలో ప్రారంభించిన చిత్రీకరణ శరవేగంగా జరుగుతోంది’’ అని తెలిపారు. ఈ చిత్రానికి మాటలు: మరుధూరి రాజా, సంగీతం: లైనస్‌ మరిది.