Server-153
desktop_rhs_sticky_ad
desktop_lhs_sticky_ad
Abn logo
Oct 26 2016 @ 10:34AM

జనతాగ్యారేజ్ సినిమా టీవీలో వచ్చేలోపు జరిగిన భారీ కుట్ర?

జూనియర్ ఎన్టీఆర్ హీరోగా, కొరటాల శివ దర్శకత్వంలో రూపొందిన జనతాగ్యారేజ్ చిత్రం అత్యధిక కలెక్షన్స్ సాధించి హిట్‌‌గా నిలిచిన సంగతి తెలిసిందే. అయితే ఈ చిత్రాన్ని దసరా కానుకగా ఓ ప్రముఖ టీవీ చానల్‌లో ఈ నెల 23న ప్రసారం చేశారు. అయితే కొత్త సినిమా టీవీలో ప్రసారమైతే వీక్షకుల సంఖ్య ఏ రేంజ్‌లో ఉంటుందో ప్రత్యేకంగా చెప్పనక్కర్లేదు. అందులోనూ థియేటర్లో ఆడిన కొద్దిరోజులకే టీవీలో ప్రసారం చేయడం చాలా అరుదు. అలా ప్రసారమైనా కానీ జనతా గ్యారేజ్ విషయంలో పరిస్థితి పూర్తి భిన్నంగా ఉందట. వీక్షకుల సంఖ్య అంచనాలను అందుకోలేక పోయిందట. దీనికి కారణం లేకపోలేదు. ఎన్టీఆర్ సినిమా టీవీలో ప్రసారమైతే ఆ రేంజే వేరుగా ఉంటుంది. కానీ ఈ సినిమా యూనిట్‌కు చెందిన ఓ వ్యక్తి చేసిన పని వల్ల ఆ అంచనాలన్నీ తల్లకిందులయ్యాయి. జనతా గ్యారేజ్ టీవీలో ప్రసారం కావడానికి కొద్దిరోజుల ముందే ఐట్యూన్స్, ఇంకా మరెన్నో పైరసీ వెబ్‌సైట్స్‌లో ఈ సినిమా హెచ్‌డి ప్రింట్ హల్‌చల్ చేసింది.
 
మరికొందరైతే ఇంకా అడ్వాన్స్ అయి ఫేస్‌బుక్‌లో ఈ సినిమాను షేర్ చేశారు కూడా. ఇదంతా టీవీలో సినిమా ప్రసారం కావడానికి కొద్దిరోజుల ముందు జరిగిన వ్యవహారం. ఇలా నెట్‌లో సినిమా హెచ్‌డి ప్రింట్ దర్శనమివ్వడంతో టీవీలో చూసేందుకు చాలా మంది అనాసక్తి చూపారు. ఇలాంటి కొత్త సినిమాలు ప్రసారం చేసే సమయంలో యాడ్స్ కూడా విపరీతంగా టెలికాస్ట్ చేస్తారు. ఇది మరో కారణం. ఇలాంటివన్నీ కలిసి జనతాగ్యారేజ్ సినిమా రైట్స్ కొన్న టీవీ చానల్‌ ఆశించిన స్థాయిలో లాభాలు రాబట్టుకోవడంలో విఫలమైంది. నెట్‌లో సినిమాను పోస్ట్ చేసిన వ్యక్తి సినిమాకు పనిచేసిన యూనిట్‌లోని సభ్యుడిగానే అనుమానాలు వ్యక్తమవుతున్నాయి. జూనియర్ ఎన్టీఆర్ ఫ్యాన్స్ అతనెవరో కనుక్కునే పనిలో బిజీగా ఉన్నారు.