Abn logo
Apr 29 2020 @ 10:23AM

కరోనా శాంపిళ్ల సేక‘రణం’

Kaakateeya

స్రావాలు సేకరించే సెకన్ల వ్యవధిలోనే వైరస్‌ ముప్పు

ఔరంగాబాద్‌ ఆస్పత్రి వైద్యురాలు 

పుష్కర్‌ దహివాల్‌ స్వీయ అనుభవం

ఔరంగాబాద్‌, ఏప్రిల్‌ 28 : ‘కరోనా లక్షణాలు కలిగిన వారి గొంతు, ముక్కు నుంచి స్రావాల సేకరణ కత్తిమీద సాములాంటి’ అని మహారాష్ట్రలోని ఔరంగాబాద్‌ ప్రభుత్వ ఆస్పత్రి వైద్యురాలు పుష్కర్‌ దహివాల్‌ అంటున్నారు. కరోనా వ్యాప్తి మొదలైనప్పటి నుంచి ఆమె రోజూ 80-100 మంది నుంచి స్రావాల శాంపిళ్లు సేకరిస్తున్నారు.


పీపీఈ కిట్ల ముసుగులో చెమటలు కక్కుతూ వరుసగా 3 రోజులు విధులు నిర్వర్తించిన తర్వాత 14 రోజులపాటు స్వీయ నిర్బంధంలోకి పుష్కర్‌ వెళ్లిపోతుంటారు. ‘‘10-12 సెంటీమీటర్ల పొడవు ఉండే చిన్నపాటి పరికరంతో 30-40 సెకన్లలోనే స్రావాలు సేకరిస్తాం. అనుమానిత లక్షణాలతో వచ్చేవాళ్లు దగ్గడం, తుమ్మడం లాంటివి చేయకముందే ఆ పని ముగించాలి. సేకరించిన తర్వాత స్రావాలు మీదపడ్డా ఇబ్బందే’’ అని ఆమె చెప్పుకొచ్చారు. 

Advertisement
Advertisement